? Դաուբենտոնիի գիշերաչղջիկ

Նկարագրություն

FA 33,1–42,0 մմ, D5 39–52 մմ, D3 53–65 մմ։ Ոտնաթաթը շատ մեծ է։ Թևաթաղանթը միանում է կոճի և ներբանի մեջտեղի միջև։ Մեջքը դարչնագույն, փայլուն է, սրունքը և միջազդրային թաղանթը մազոտ չեն (Dietz, von Helversen, 2004, էջ 47)։ Թևաթաղանթի վերին կողմի՝ ազդրին և սրունքին հարող մասը մերկ է (Кузякин, 1950, էջ 237)։ Մարմնի երկարությունը 49–55 մմ, պոչը՝ 37–44 մմ, ականջը՝ 13–15 մմ, տրագուսը՝ 6,5–7,5 մմ, FA 35–41 մմ։ Գանգի կոնդիլոբազալ երկարությունը 13,0–14,2 մմ, վերին ատամնաշարը՝ 5,0–5,7 մմ (Кузякин, 1950, էջ 257)։

Բազմացում

Ըստ Myhrvold et al. (2015) տվյալների՝ ձագերի միջին թիվը մեկ ծննդաբերությունում՝ 1,2, տարեկան ծնունդների թիվը՝ 1, հղիությունը՝ մոտ 55 օր, կաթով կերակրումը՝ մոտ 35 օր, կյանքի առավելագույն հայտնի տևողությունը՝ 28 տարի։

Ընդհանուր արեալ

Արեալը (ըստ MDD v2.5) ընդգրկում է Եվրոպան, Թուրքիան, Վրաստանը և Ղազախստանը։ Հայաստանը MDD v2.5-ում և EUROBATS-ի ցուցակում նշված չէ։

Տարածում Հայաստանում

Ներառված է բառարանում (Հայրապետյան և ուրիշ., 2018)։ GBIF-ում կա 4 գրառում Սիսիան–Քաջարան ճանապարհի շրջակա միջավայրի հետազոտությունից (2021)։ Այդ հետազոտությունում չղջիկները գրանցվել են միայն ակուստիկ եղանակով՝ ավտոմատ և ձեռքի բատ-դետեկտորներով (GBIF, տվյալների հավաքածու «Biodiversity surveys conducted for Sisian-Kajaran road construction project (EIA)», Biogeotech)։ Myotis ցեղի տեսակների ակուստիկ որոշումը հաճախ անհավաստի է, ուստի այս գրառումները պետք է հաստատվեն բռնված առանձնյակներով։։

Պահպանության կարգավիճակ

IUCN՝ LC (ըստ MDD v2.5)։

← Նատերերի գիշերաչղջիկԵռագույն գիշերաչղջիկ →